Highlights of Union Budget 2018-2019| Government of India

Government of India,
Union Budget for 2018-2019,



2018-19-ம் நிதி ஆண்டுக்கான மத்திய பட்ஜெட்டை மத்திய நிதி அமைச்சர் அருண் ஜேட்லி இன்று (வியாழக்கிழமை) காலை 11 மணிக்கு தாக்கல் செய்தார்.

இந்நிலையில் 2018-19-ம் ஆண்டுக்கான பட்ஜெட்டின் முக்கிய அம்சங்கள் குறித்து மத்திய அரசு அறிவிப்பு வெளியிட்டுள்ளது.

பட்ஜெட்டின் 50 முக்கிய அம்சங்கள்:

1. பொருளாதார சீர்திருத்த நடவடிக்கைகள் காரணமாக அந்நிய முதலீடு கணிசமாக உயர்ந்துள்ளது.

2. விவசாயிகளின் வருவாய்க்கு உயர்த்த முக்கியத்துவம் அளிக்கப்படுகிறது.

3. இயற்கை வளங்களை ஒதுக்கீடு செய்வதில் வெளிப்படைத் தன்மை உறுதி செய்யப்படும்.

4. நடப்பு நிதிநிலை ஆண்டில் இரண்டாவது அரையாண்டில் வளர்ச்சி விகிதம் 7.2- 7.5 சதவீதத்தை எட்டும்.

5. அரசியல் லாபத்தைக் கருத்தில் கொள்ளாமல் சீர்திருத்த நடவடிக்கைகளை அரசு மேற்கொள்கிறது.

6. வேளாண்மை உற்பத்தி முன்பு எப்போதும் இல்லாத அளவு உயர்ந்துள்ளது.

7. அரசின் பொருளாதார சீர்திருத்த நடவடிக்கைகள் காரணமாக அந்நிய நேரடி முதலீடு அதிகரிப்பு.

8. வரி ஏய்ப்பு குறைந்துள்ளது.

9. அரசு கொள்கை முடிவு எடுப்பதில் இருந்த தேக்க நிலையை முடிவுக்கு கொண்டு வந்துள்ளோம். -அருண் ஜேட்லி

10. பிரதமர் கிராம சாலை திட்டம் வேளாண் மையங்களை இணைக்கும்

11. வேளாண் கட்டமைப்பு வசதிகளுக்கு 22000 கோடி ஒதுக்கீடு

12. இயற்கை வேளாண்மையை பெருமளவில் ஊக்குவிக்க நடவடிக்கை

13. இந்தியாவின் பொருளாதாரம் 2.5 டிரில்லியன் டாலராக உயர்ந்துள்ளது.

14. விவசாயிகள் கடன் அட்டைத்திட்டம், கால்நடை வளர்ப்பு மற்றும் மீன்வளத்துறைக்கும் விரிவாக்கம்

15. சேவைகள் மக்களின் இல்லத்திற்கே கொண்டு செல்லப்படுகின்றன. அல்லது அவரது வங்கிகளை அடைகின்றன.

16. வேளாண் ஏற்றுமதிக் கொள்கை எளிதாக்கப்பட்டுள்ளது.

17. உணவு பதப்படுத்துதல் துறைக்கான ஒதுக்கீடு இரட்டிப்பாக்கப்பட்டுள்ளது.

18. வேளாண் ஏற்றுமதி 100 பில்லியன் டாலர் அளவை எட்ட வாய்ப்பு.

19. 42 வேளாண் பூங்காக்கள் அமைக்கப்படும் -நிதி அமைச்சர்

20. மீன் மற்றும் இறால் வளத்துறைக்கு 1,000 கோடி  ரூபாய் ஒதுக்கீடு.

21. கிராமப்புறங்களைச் சேர்ந்த 8 கோடி மகளிருக்கு இலவச எரிவாயு இணைப்பு வழங்கப்படும்.

22. டெல்லியில் மாசுக் கட்டுப்பாட்டை உறுதி செய்ய நடவடிக்கை.

23. அடுத்த நிதி ஆண்டிற்குள் கூடுதலாக 2 கோடி கழிப்பறைகள் கட்டப்படும்.

24. 2020-ல் அனைவருக்கும் வீடு. கட்டுப்படியாகக்கூடிய வீட்டு வசதிக்கென பிரத்யேக நிதி.

25. 2022-க்குள் அனைவருக்கும் வீடு.

26. ஊரக சாலைத்திட்டத்தின் கீழ் 3 கோடியே 21 லட்சம் ஊரக வேலை வாய்ப்பு.

27. ஆசிரியர் பயிற்சியில் ஒருங்கிணைந்த பி.எட் பயிற்சித் திட்டம் அறிமுகப்படுத்தப்படும்.

28. பள்ளி ஆசிரியர்களுக்கு பயிற்சித் தர புதிய திட்டம். ஒருங்கிணைந்த பி.எட். திட்டம் அறிமுகம்.

29. கல்வித்துறைக்கு ரூ 1 லட்சம் கோடி முதலீடு. நவோதையா பள்ளிகள் அடிப்படையில் புதிய ஏகலைவன் பள்ளிகள்.

30. நேர்மையான ஊழலற்ற அரசை வழங்க உறுதி.

31. ஊரகப் பகுதிக்கு கூடுதல் நிதி வழங்க முடிவு.

32. வளர்ச்சிப் பாதையில் உற்பத்தித் துறை.

33. வேளாண், கல்வி, ஊரகத்துறை, சுகாதாரம் ஆகியவற்றிற்கு கூடுதல் முக்கியத்துவம்.

34. சுகாதார இந்தியாவை உருவாக்க ஆயுஷ்மான் இந்தியா திட்டம்.

35. அனைவருக்கும் இலவச மருத்துவ பரிசோதனை மற்றும் மருந்து.

36. 3 நாடாளுமன்றத் தொகுதிகளுக்கு ஒரு அரசு மருத்துவக்கல்லூரி வீதம் ஏற்படுத்தப்படும்.

37. 24 அரசு மருத்துவக் கல்லூரிகள் மற்றும் மருத்துவமனைகள் மேம்படுத்தப்படும்.

38. ஷெட்யூல்டு வகுப்பு மற்றும் பழங்குடியினருக்கான ஒதுக்கீடு 50 சதவீதம் கூடுதல் நிதி ஒதுக்கீடு.

39. சமூக நலத்திட்டங்கள், சுகாதாரம் மற்றும் கல்விக்கு 1.35 லட்சம் கோடி நிதி ஒதுக்கீடு .

40. கங்கையை தூய்மைப்படுத்த 187 புதிய திட்டங்கள் .

41. முத்ரா கடன் திட்டத்திற்கு ரூ 3லட்சம் கோடி.

42. மாற்றுத்திறனாளிகளுக்கும், கணவனை இழந்த பெண்களுக்கு சமூக பாதுகாப்புத்திட்டம்.

43. ஷெட்யூல்டு வகுப்பினர் நலனுக்காக ரூ 56919 கோடி ஒதுக்கீடு.

44. காசநோயாளிகள் நலனுக்காக ரூ 600 கோடி ஒதுக்கீடு -நிதி அமைச்சர்

45. வேலைவாய்ப்பை பெருக்குவதே அரசு கொள்கைத் திட்டங்களின் மையம் ஆகும் .

46. ஸ்மார்ட் மற்றும் அம்ரூத் நகரங்களுக்கு ரூ 2.04 லட்சம் கோடி ஒதுக்கீடு

47. நாட்டின் 10 பிரபலமான சுற்றுலாத் தலங்கள் நாட்டின் அடையாளமாக உயர்த்தப்படும் .

48. கட்டமைப்புத் துறையில் ரூ 50 லட்சம் கோடி முதலீடு செய்ய பரிசீலனை

49. 9000 கி.மீ. தேசிய நெடுஞ்சாலையை நடப்பு நிதி ஆண்டிலேயே அமைத்து முடிக்கத் திட்டம்.

50. 4000 கி.மீ. ரெயில்வே பாதைகள் மின் மயமாக்கப்படும்.



விலை கூடும் மற்றும் குறையும்

வெளிநாடுகளில் இருந்து இறக்குமதி செய்யப்படும் பொருட்களுக்கு சுங்கவரி அதிகரிக்கப்பட்டுள்ளதால், மொபைல் போன், மோட்டார் சைக்கிள், பழரசங்கள், காலனிகள் உள்ளிட்ட பொருட்களின் விலை இனி அதிகரிக்கும்.

2018-19-ம் நிதி ஆண்டுக்கான பட்ஜெட்டை நிதி அமைச்சர் அருண் ஜேட்லி இன்று தாக்கல் செய்தார்.

அதில் வெளிநாடுகளில் இருந்து இறக்குமதி செய்யப்படும் பல பொருட்களுக்கான சுங்க வரி அதிகரிக்கப்பட்டுள்ளது. இதனால், வரும்நாட்களில் இந்த வகை பொருட்கள் விலை உயரும்.

அதேசமயம், வெளிநாடுகளில் இருந்து தோல் உரிக்காமல் இறக்குமதி செய்யப்படும் முந்திரி, சோலார் பேனலில் பயன்படுத்தப்படும் ஒருவகை கண்ணாடி, காதுகேளாதோருக்கான இயந்திரங்களுக்கான பொருட்களின் வரி குறைக்கப்பட்டுள்ளன.

விலை உயரும் இறக்குமதி பொருட்கள்

1. இறக்குமதி கார் மற்றும் மோட்டார் சைக்கிள்

2. மொபைல் போன்கள்

3. வெள்ளி, தங்கம்

4. காய்கறிகள், பழரசங்கள், குறிப்பாக ஆரஞ்சு, கிரான்பெரி

5. சன்கிளாஸ் (மூக்குக் கண்ணாடி)

6. சோயா புரோட்டீன் தவிர்த்த சமையலுக்கு பயன்படுக்கும் பொருட்கள்

7. பெர்பியூம் (வாசனை திரவியம்), கழிவறை பொருட்கள்

8. சன்ஸ்கீரன், சன் டேன், மணிகியூர், பெடிகியூர் லோஷன்கள்

9. பற்பசை, பல்மருத்துவத்தில் பயன்படும் பேஸ்ட், பவுடர்கள்

10. முகச்சவரம் செய்ய பயன்படும் பொருட்களுக்கான மூலப்பொருட்கள்.

11. டியோடரன்ட்டுகள்

12. பஸ், டிரக்கில் பயன்படும் ரேடியல் டயர்கள்

13. பட்டுத் துணி

14. காலணிகள்

15. ஸ்மார்ட் வாட்ச்

16. எல்சிடி, எல்இடி, டிவி பேனல்கள்

17. நாற்காலி, மேசைகள்

18. மெத்தைகள்

19. விளக்கு

20. கைக்கடிகாரம், பாக்கெட் கடிகாரம், கடிகாரம்

21. பொம்மைகள், குழந்தைகள் விளையாடும் சிறு பொம்மைகள்.

22. வீடியோ கேம் பொருட்கள்

23. உள்ளரங்கு, மைதான விளையாட்டுகளில் பயன்படுத்தும் உபகரணங்கள்.

24. சிகரெட், லைட்டர்கள், மெழுகுவர்த்தி

25. பட்டம்

26. சமையல் எண்ணெய், ஆலிவ் எண்ணெய், கடலை எண்ணெய்

விலை குறையும் இறக்குமதி பொருட்கள்

1. கச்சா முந்திரி

2. சோலார் பேனல் அமைக்க பயன்படும் ஒருவகை கண்ணாடி

3. காதுகேளாதார் பயன்படுத்தும் இயந்திரங்களுக்கான பொருட்கள்.

4. மின்னணு பொருட்களுக்கு பயன்படும் சிறிய திருகு உள்ளிட்ட பொருட்கள்.


தொழிலாளர் வருங்கால வைப்பு நிதிக்கு பெண்கள் சம்பளத்தில் இருந்து செலுத்தும் தொகை 12 சதவீதத்தில் இருந்து 8 சதவீதமாக குறைக்கப்பட்டுவதாக பட்ஜெட்டில் அறிவிக்கப்பட்டுள்ளது.

ஆனால்,  இந்த சலுகை இந்த அறிவிப்பு அமலுக்கு வந்தபின் புதிதாக பணியில் சேரும் பெண்களுக்கே இந்த திட்டம் அறிவிக்கப்பட்டுள்ளது.

நாடாளுமன்றத்தில் மத்திய பட்ஜெட்டை இன்று (வியாழன்) தாக்கல் செய்த மத்திய நிதியமைச்சர் அருண் ஜேட்லி பெண்கள் பயன்பெறும் வகையில் சில அறிவிகப்புகளை வெளியிட்டுள்ளார். அதன் விவரம் வருமாறு:

தொழிலாளர் வருங்கால வைப்பு நிதிக்கு பெண்கள் சம்பளத்தில் இருந்து செலுத்தும் தொகை 12 சதவீதத்தில் இருந்து 8 சதவீதமாக குறைக்கப்பட்டுள்ளது. தற்போது பெண்கள், ஆண்கள் என அனைவருமே 12 சதவீதம் தொழிலாளர் வருங்கால வைப்பு நிதியில் சேமிக்க வேண்டும். இதில் பெண்களுக்கான பங்களிப்பு தொகை 8 சதவீதமாக பட்ஜெட்டில் குறைக்கப்பட்டுள்ளது. அதேசமயம் பணி வழங்கும் நிறுவனங்கள் தற்போது செலுத்தும் பங்கு தொகையில் எந்த மாற்றமும் இருக்காது.

இதன் மூலம் பெண்கள் தங்கள் வீட்டிற்கு எடுத்துச் செல்லும் சம்பளத்தின் அளவு தற்போதை உள்ளதை விடவும் இனிமேல் சற்று கூடுதலாக இருக்கும். எனினும் புதிதாக பணியில் சேரும் பெண்களுக்கே இந்த திட்டம் பொருந்தும்




ஆசிரியர் பயிற்சிக்கான ஒருங்கிணைந்த பி.எட் வகுப்புகள் தொடங்கப்படும், பள்ளிகளின் உட்கட்டமைப்பு வசதிகள் ஏற்படுத்த 1 லட்சம் கோடி ரூபாயில் திட்டம் உள்ளிட்ட பல்வேறு கல்வித்துறை சார்ந்த அறிவிப்புகள் மத்திய பட்ஜெட்டில் இடம் பிடித்துள்ளன.

நாடாளுமன்றத்தில் இன்று (வியாழன்) மத்திய பட்ஜெட்டை தாக்கல் செய்த நிதியமைச்சர் அருண் ஜேட்லி கல்வித்துறை சார்ந்த பல்வேறு அறிவிப்புகளையும் வெளியிட்டுள்ளார். அதில் கூறப்பட்டுள்ளதாவது:

* தேசிய அளவில் நடத்தப்பட்ட ஆய்வுகளின் அடிப்படையி்ல் 20 லட்சம் குழந்தைகளுக்கு தரமான கல்வி வழங்க நடவடிக்கை எடுக்கப்படும்.

* பிடெக் மாணவர்களில் 1000 பேர் கண்டறியப்பட்டு அவர்களுக்கு பிரதமரின் ஆராய்ச்சி நிதியுதவி வழங்கப்படும்.

* நாடுமுழுவதும் அரசு மருத்துவமனைகளுடன் கூடிய 24 புதிய மருத்துவ கல்லூரிகள் தொடங்கப்படும்

* சிறந்த முறையில் நவீன கல்வி என்ற இலக்குடன் பள்ளி கல்வி தரம் உயர்த்தப்படும்.

* அடுத்த 4 ஆண்டுகளில் பள்ளிகளில் கட்டிடங்கள் உட்பட கட்டமைப்பு வசதிகளை மேம்படுத்த 1 லட்சம் கோடி ரூபாயில் திட்டம் செயல்படுத்தப்படும். உயர் கல்வி நிதி நிறுவனங்கள் மூலம் இதற்கான நிதி திரட்டப்படும்.

* ஆசிரியர் பயிற்சிக்கான ஒருங்கிணைந்த பிட் வகுப்புகள் தொடங்கப்படும்

* பள்ளிகளில் இனிமேல் கரும்பு பலகைக்கு பதில், டிஜிட்டல் பலகையாக மாறும் விதத்தில் டிஜிட்டல் கல்விக்கு முன்னுரிமை வழங்கப்படும்.

* 2022ம் ஆண்டிற்குள் பழங்குடியின மக்கள் வசிக்கும் ஒவ்வாரு வட்டாரத்திலும் ஏகலைவா மாடல் முன்மாதிரி உண்டு உறைவிடப் பள்ளி தொடங்கப்படும்.



அரசு நிறுவனங்களின் பங்குகளை விற்பனை செய்து அதன் மூலம் நிதி திரட்டும் இலக்கு கடந்த ஆண்டைக் காட்டிலும 10 சதவீதம் அதிகரிக்கப்பட்டு, ரூ.80 ஆயிரம் கோடியாக உயர்த்தப்பட்டுள்ளது.

நாடாளுமன்றத்தில் 2018-19ம் ஆண்டுக்கான பட்ஜெட்டை நிதி அமைச்சர் அருண் ஜேட்லி இன்று தாக்கல் செய்தார்.

அவர் கூறியதாவது:

கடந்த 2017-18ம் நிதி ஆண்டில் அரசு நிறுவனங்களை விற்பனை செய்து நிதி திரட்டும் இலக்கு ரூ.72 ஆயிரத்து 500 கோடியாக நிர்ணயிக்கப்பட்டு இருந்தது. ஆனால், அந்த இலக்கை மத்திய அரசு அடைந்துவிட்டது என்பதை மகிழ்ச்சியுடன் தெரிவித்துக் கொள்கிறேன்.

ஆதலால், வரும் 2018-19ம் நிதி ஆண்டு அரசு நிறுவனங்களின் பங்குகளை விற்பனை செய்து நிதி திரட்டும் இலக்கு 10 சதவீதம் உயர்த்தப்பட்டு, அதாவது கூடுதலாக ரூ.10 ஆயிரம் கோடி திரட்ட இலக்கு நிர்ணயிக்கப்பட்டுள்ளது. இந்த இலக்கை அடைந்தால் அரசுக்கு ரூ.80000 கோடி நிதி கிடைக்கும்.

மேலும், அரசின் இரு காப்பீடு நிறுவனங்களை பங்குச்சந்தையில் பட்டியலிட அனுமதி அளிக்கப்பட்டுள்ளது








EmoticonEmoticon